Elke Zanker

Hawedere

I bin de Ander. Eigentlich hoas i Elke und hob seit 2009 drei Männer (de zwoa Mösler und mein eigenen). A ja, drei Mädels hob i a no. Wenn mi oana fragt, wia i mit de zwoa Mösler zammkumma bin, sog i imma, dass de zwoa a Inserat aufgem hom: "zwoa Männer suacha a Frau" und i de oanzige war de wo sich g'meid hot. (Es war natürlich net so) 

I wohn in Böhmfeld ( muaß i mir ja oft g'nua von de zwoa Mößler o'hörn). Geboren bin i am 25.April  glab i. Auf da Bühne spui i Gitarre und dua singa. Es macht sackrisch vui Spass, eich zum unterhoiten.

Nowos: I bin 1860er Fan und Schiedsrichter, des werd eich aber net störn, oder?

Bis hoffentlich bald

De Ander